Тедрос вети: СЗО ќе продолжи да ја предводи борбата против пандемијата

Генералниот директор на Светската здравствена организација (СЗО) Тедрос Аданом Гебрејесус изјави дека СЗО ќе продолжи да ја предводи глобалната борба против новиот коронавирус која „се заканува да ја раскине структурата на меѓународната соработка“.

Фото: ЕПА

Тедрос Аданом Гебрејесус ги бранеше активностите на СЗО за време на кризата предизвикана од пандемијата на коронавирусот, откако претседателот Доналд Трамп се закани дека нема да го финансира СЗО и дека ќе ги повлече САД од организацијата.

Гебрејесус ја поздрави резолуцијата на Европската унија, усвоена од 194 земји членки на Светската здравствена организација. Резолуцијата бара независна проценка на меѓународниот одговор, „вклучително, но не ограничувајќи се на ефикасноста на СЗО“.

„Ние сакаме одговорност повеќе од кој било друг“, рече Тедрос на виртуелното годишно собрание на СЗО на кое присуствуваа претставници на 194 членки на СЗО.

„Ќе продолжиме да обезбедуваме стратешко лидерство за да го координираме глобалниот одговор“, рече тој.

Вашингтон ја поддржа резолуцијата во која се повикува на ревизија на глобалниот одговор на пандемијата предводена од СЗО, што беше и американско барање.

Резолуцијата беше усвоена со консензус, но Соединетите Држави изнесоа приговор поради терминот што ги опишува репродуктивните здравствени права во резолуцијата и поради дозволата на сиромашните земји да не ги почитуваат правилата за патенти.

Текстот е усвоен со консензус и предвидува што побрзо започнување на непристрасна, независна и целосна проценка на меѓународната акција иницирана заради пандемијата, со цел подобрување на светските капацитети за превенција, подготовка и одговор на пандемијата.

Со оваа проценка, чии контури остануваат нејасни, треба внимателно да се испитаат мерките преземени од СЗО поради пандемијата на ковид-19 и нивната хронологија.

Претставници на СЗО кои го модерираа состанокот аплаудираа и славеа по усвојувањето на резолуцијата.

Неколку часа пред тоа, американскиот претседател Доналд Трамп се закани дека ќе ги повлече САД од СЗО.

Американската мисија во Женева порача во изјавата дека параграфите за правото на сиромашните земји да ги укинат правилата за патенти за да добијат лекови за време на здравствената криза „испраќаат погрешна порака до иноваторите“, кои се обидуваат да произведат нови лекови и вакцини.

Делот за репродуктивното здравје може да се толкува како барање на земјите да го дозволат абортусот, се додава во изјавата.

„Соединетите Држави веруваат во правната заштита на неродените“, рекоа американските претставници.

Легенда под Главна слика

Фото: ЕПА

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе