Таткото убиец од Загреб мислел дека не е биолошки татко на децата, водел двоен живот

Австриските медиуми собрале податоци обидувајќи се да ја откријат вистината за тоа кој бил всушност 56-годишниот Австриец Харалд Копиц, кој во Загреб на страшен начин ги убил своите три деца, четиригодишното момче и седумгодишните близнаци, девојче и момче.

EPA-EFE

Според собраните информации од наводно неименувано доверливо лице од најтесниот круг на убиецот, весникот Хојте пишува дека 56-годишникот наводно со години бил чест учесник во виенската „сцена на црвени фенери“ (проституција) и консумирал дрога, како и дека изгледал депресивно.

Истиот извор наведува дека Харалд Копиц на социјалните мрежи се прикажувал како примерен татко и објавувал фотографии од своите деца на пливање и во зоолошка градина.

Но, тоа според изнесената приказна била само фасада, бидејќи таткото наводно „не ги сакал“ своите три деца, бидејќи бил опседнат со идејата дека тој не е нивен биолошки татко.

Фејсбук

„Тој беше опседнат со тоа. Копиц секогаш повторуваше дека е страшно да се имаат деца. А во последните две години навистина потценувачки зборуваше за своето семејство. Се гледаше омраза во неговите очи“, кажало лицето блиско до убиецот за австрискиот весник.

Хојте додава дека се претпоставува дека таткото ги убил своите деца под влијание на дрога, и дека хрватските власти истражуваат дали 56-годишникот во времето на злосторството бил под влијание на психотропни супстанци.

Се наведува и дека осомничениот убиец е стабилен и свесен, и дека во болница го чува полицијата.

Весникот наведува и дека Харалд Копиц во прошталната порака на Фејсбук остро ја нападнал масонската ложа „Браќа на слободните ѕидари“, која не сакала да му пружи помош во врска со работата и финансиските проблеми. Цитира изјава на еден од припадниците на „Браќата на слободните ѕидари“ кој кажал дека не го познавал Копиц лично и дека не може да го идентификува како припадник на наведената масонска ложа.

„Слободните ѕидари си помагаат едни на други и тоа само во легална рамка. Во согласност со тоа, ништо не оправдува убиство, тоа не е во согласност со филозофијата на Слободните ѕидари“, истакнал тој.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе