Талибанците: Жената не е сопственост, туку слободно битие

Талибанската влада во Авганистан вчера издаде декрет за правата на жените, во кој се наведува дека жените не треба да се сметаат за „сопственост“ и да не се принудуваат на брак.

Фото: ЕПА

„Жената не е сопственост, туку благородно и слободно човечко суштество, никој не може никому да му ја даде во замена за мир или за прекин на непријателствата“, се вели во декретот на талибанците, издаден од нивниот портпарол Забихула Муџахид.

Уредбата воспоставува правила со кои се регулира бракот и имотот на жените, во кои се наведува дека жените не треба да се принудуваат на брак и дека вдовиците треба да имаат удел во имотот на нивниот покоен сопруг.

Судовите треба да ги земат предвид овие правила при донесувањето одлуки, а министерствата за верски прашања и информации треба да ги промовираат овие права, се вели во декретот.

Меѓутоа, во декретот не се споменува дека жените можат да работат или да добијат пристап до објекти надвор од домот или до образование, што претходно предизвика голема загриженост и критики од меѓународната заедница.

За време на нивното претходно владеење од 1996 до 2001 година, талибанците им забрануваа на жените да ја напуштаат куќата без машки роднина и целосно покривање на лицето и главата, додека на девојчињата им беше забрането образованието.

Талибанците, меѓутоа, сега тврдат дека се смениле и дека е дозволено отворање средни училишта за девојки во некои провинции.

Легенда под Главна слика

Фото: ЕПА

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе