Талибанците зазедоа граничен премин меѓу Авганистан и Иран

Авганистанските талибански бунтовници вчера зазедоа уште еден важен граничен премин, овојпат со Иран.

Фото: ЕПА

Заземањето на граничниот премин е еден во низата воени успеси на талибанците што ги интензивираа активностите додека привршува заминувањето на американските и НАТО-трупите од Авганистан.

Граничниот премин Ислам Кала во провинцијата Херат е третиот окупиран од талибанците во последните седум дена. Претходно американскиот претседател Џозеф Бајден изјави дека американската воена мисија во Авганистан ќе заврши на 31 август.

Поради успехот на талибанците, некои земји ги затворија конзулатите во регионот, додека Таџикистан мобилизира резервисти за зајакнување на одбраната на границата со Авганистан.

Авганистанските војници во областа на преминот Ислам Кала, главна транзитна рута меѓу Авганистан и Иран, избегаа од своите позиции во таа соседна земја, пренесоа иранските медиуми.

Во претходните месеци, откако по 20 години почна повлекувањето на американските и на НАТО-трупите од Авганистан, талибанците освоија значителни делови од територијата и сега контролираат третина од 421 округ во земјата.

Легенда под Главна слика

Фото: ЕПА

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе