Талибанците велат дека нема продолжување на рокот за евакуација: „Тоа е црвена линија“

Талибанците нема да се согласат на продолжување на евакуацијата од Авганистан, изјави портпаролот на милитантната исламистичка организација во понеделникот за британскиот канал Скај њуз.

Фото: ЕПА

„Ако САД или Велика Британија бараат дополнително време за продолжување на евакуацијата, одговорот е ‘не’. Или ќе има последици“, рече Сухаил Шахин, член на талибанската делегација во Доха, главниот град на Катар.

„Тоа е црвена линија. Американскиот претседател Бајден објави дека сите нивни воени сили ќе се повлечат на 31 август. Значи, ако се продолжи рокот, тоа значи дека окупацијата продолжува, иако тоа не е потребно“, рече тој.

„Тоа ќе создаде недоверба меѓу нас. Ако имаат намера да ја продолжат окупацијата, тоа ќе предизвика реакција“, додаде тој.

Шахин ја објасни големата гужва на аеродромот во Кабул со желбата на многумина да избегаат од сиромаштијата во Авганистан. Стравот од талибанска репресија се користи како изговор и е неоснован, рече тој.

Тој рече дека извештаите за одмазда на талибански претставници против новинари, поранешни владини работници и други наводни соработници се „сите лажни вести“.

Секој инцидент ќе биде истражен и виновните ќе одговараат, рече тој.

Легенда под Главна слика

Фото: ЕПА

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе