Талибанците јавно обесија тела на четворица мажи: „Никој повеќе нема да се осмели на такво злосторство“ (ВИДЕО)

Талибанците на јавни плоштади обесија на кранови тела на четворица мажи, тврдејќи дека станува збор за грабнувачи од различни делови на градот Херат на западот на Авганистан.

EPA-EFE

Талибанскиот заменик гувернер на покраината Мавлави Шир Ахмад Амар кажа дека мажите се убиени во директни судири со талибанските борци откако грабнале трговец и неговиот син кои потоа биле спасени.

„Нивните тела се обесени на градските плоштади како пример за останатите грабнувачи. Обесени се за никој повеќе да не се осмели на такво злосторство“, кажа Амар.

Во снимката објавена на социјалните мрежи се гледа со крв натопено тело на маж во ланци обесено на кран на главниот плоштад во Херат. Се гледаат и жители кои со мобилни телефони ја снимаат крвавата сцена.

За време на владеењето на талибанскиот режим на крајот на деведесеттите, екстремистичката група беше позната по тоа што злосторствата ги казнуваше со јавни камшикувања, каменување со смрт и ампутирање екстремитети.

Групата минатиот месец повторно ја презема власта во Авганистан, по повлекувањето на американските трупи. Од тогаш жителите на Авганистан и владите на земјите низ светот следат дали милитантните исламисти овој пат поумерено ќе владеат, иако засега има малку назнаки за тоа.

Содржината на снимката може да биде вознемирувачка:

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе