Талибанците го зазедоа првиот главен град на авганистанска покраина

Талибанците го зазедоа првиот главен град на некоја авганистанска покраина и го убија водечкиот медиумски и информациски функционер на авганистанската влада во Кабул, нанесувајќи ѝ двоен удар на владата поддржана од Западот.

EPA-EFE

Портпаролот на полицијата во северната покраина Нимроз кажа дека главниот град Зарањ паднал во рацете на исламистите поради недостигот од владини сили.

Странските војници го привршуваат своето повлекување од Авганистан, а талибанците ги интензивираа нападите за да ја поразат владата, поставена од Соединетите Американски Држави.

Талибанците во изминатите месеци зазедоа десетици окрузи и гранични премини и притиснаа неколку главни градови на покраини, вклучувајќи ги Херат на запад и Кандахар на југ.

Зарањ е првиот покраински главен град кој бунтовниците го освоија откако САД со талибанците договори повлекување на американските сили во февруари 2020.

Локален извор кажал дека талибанците го зазеле кабинетот на гувернерот, седиштето на полицијата и база во близина на границата со Иран.

Талибански извори соопштија дека групата слави воен успех и дека падот на Зарањ ќе го крене моралот на нивните борци во другите покраини. Командантот на талибанците, под услов на анонимност, кажа дека Зарањ има голема стратегиска важност бидејќи е во близина на границата со Иран.

„Ова е почетокот и гледајте како другите покраини наскоро ќе паднат во наши раце“, кажал тој.

Талибанците денес во Кабул го убија водечкиот медиумски и информациски функционер на авганистанската влада.

Убиството на Дау Кан Менапал, шефот на владиниот Центар за медиуми и информации (ГМИЦ), е последното во низата кој талибанците го извршуваат за да ја ослабат владата на Ашраф Гани.

Највисокиот американски дипломат во Авганистан Рос Вилсон на Твитер напиша дека чувствува жал за убиството на Менапал, кого го нарече пријател и колега чија кариера била фокусирана на давање вистински информации на сите Авганистанци.

„Овие убиства се напад врз човековите права и слободата на говорот на Авганистанците“, истакна Вилсон.

Легенда под Главна слика

EPA-EFE

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе