Талибанците ги поканија Русија, Кина, Иран, Турција и други на соопштувањето на кабинетот

Се забележува дека се завршени потребните процедури за објавување на составот на новиот кабинет.

Фото: ЕПА

Талибанците (забранети во Русија), кои ја презедоа власта во Авганистан, поканија голем број земји, вклучително и Русија, да учествуваат на настан посветен на објавувањето на составот на новата авганистанска влада, изјавил анонимен претставник на групата денеска за ТВ-каналот Ал џезира.

„Испративме покани до Турција, Кина, Русија, Иран, Пакистан и Катар да учествуваат на (церемонијата) на објавување на (составот на новата авганистанска) влада“, рече тој.

Соговорникот на ТВ-каналот, исто така, истакнал дека досега биле завршени потребните процедури за објавување на составот на новиот кабинет. Тој додал дека талибанците ќе создадат „режим што ќе биде прифатен од глобалната заедница и од авганистанскиот народ“.

Откако САД објавија крај на операцијата во Авганистан и почеток на повлекување на војниците, талибанците почнаа офанзива против авганистанските владини сили. На 15 август талибанските милитанти влегоа во Кабул без да наидат на отпор, воспоставувајќи целосна контрола над главниот град на земјата за неколку часа. Авганистанскиот претседател Ашраф Гани изјави дека се повлекол од функцијата за да спречи крвопролевање и потоа ја напушти земјата.

Легенда под Главна слика

Фото: ЕПА

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе