Талибанците бараат Турција да ја обезбедува евакуацијата на странците; Ердоган: Таму се заканува смрт

Турција сè уште не донела конечна одлука за талибанското барање да помогне во обезбедувањето на евакуацијата на странците од аеродромот во Кабул, кажа денес турскиот претседател Реџеп Таип Ердоган.

EPA-EFE

Функционери неделава за Ројтерс кажаа дека талибанците побарале од Турција да обезбеди техничка помош во управувањето со аеродромот, но турските војници да се повлечат до 31 август.

Војниците почнаа да се повлекуваат во средата, а вчера во самоубиствениот напад кој го присвои терористичката група Исламска држава беа убиени 85 лица, меѓу кои 13 американски војници на влезот во кабулскиот аеродром.

Ердоган кажа дека пред одлуката треба да завладее мир во Кабул бидејќи Турција би можела да „биде вовлечена“ во непредвидлива ситуација и невозможна мисија.

„Талибанците поднесоа барање за управување со аеродромот во Кабул, Велат „ние ќе се погрижиме за безбедноста“, но смртта сè уште се заканува во Кабул“, кажа Ердоган во Истанбул пред тргнувањето во посета на Босна и Херцеговина.

Голем дел од западните земји ја заврши или ја завршува евакуацијата со наближувањето на 31 август, рокот за повлекување на сите странски војници од Авганистан кој го постави американскиот претседател Џо Бајден, а талибанците не сакаат да го продолжат иако сите авганистански соработници кои работеле за странците и стравуваат од одмазда до тогаш нема да успеат да ја напуштат земјата.

Турција како членка на НАТО има стотици војници во Авганистан во рамки на мисијата и го обезбедуваше аеродромот во Кабул во изминатите шест години.

Анкара досега евакуирала најмалку 350 војници и повеќе од 1.400 други луѓе од Авганистан откако талибанците месецов повторно ја преземаа контролата врз таа земја по 20 години странско присуство.

Турција ги пофали, како што самата кажа, „умерените изјави“ кои талибанците ги даваат откако го освоија Кабул на 15 август.

Ердоган денес повтори дека Анкара ќе го продолжи дијалогот со талибанците и ќе ја проценува состојбата кога тие ќе формираат влада.

Тоа е исчекор во однос на претходните изјави кога Ердоган ги критикуваше талибанците додека напредуваат кон Кабул и кажуваше дека сака што побрзо да ги повлече своите војници.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе