Талибанците бараат помош од светот, велат не се терористи

Портпарол на талибанците во северниот авганистански град Кундуз ја повика меѓународната заедница да ја засили помошта за земјата, додавајќи дека исламистичките милитанти не се терористи.

Фото: ЕПА

Покраинскиот портпарол Матиула Рухани рече дека помошта може да биде во облик на инвестиции, проекти за реконструкција „или каква било хуманитарна поддршка на владата или на граѓаните на Авганистан“, рече тој за дпа во Кундуз, во барање упатено до „целата меѓународна заедница, вклучително и Германија “.

Талибанците „многу би ја поздравиле“ помошта, рече тој.

Талибанците го зазедоа Кундуз на 8 август, во еден од серијата брзи продори благодарение на кои групата ја преземе контролата врз целата земја.

Последните американски војници го напуштија Авганистан кон крајот на август, означувајќи го крајот на воената мисија која траеше речиси две децении.

Рухани ја критикуваше меѓународната заедница за поддршката на, како што рече, „корумпираната влада“ на Авганистан во изминатите 20 години, но ја прекина својата помош кога талибанците дојдоа на власт.

Талибанците донесоа мир во Авганистан, рече тој, додавајќи: „Ние не сме терористи“.

Владите ширум светот проценуваат како најдобро да се справат со талибанците, имајќи ги предвид извештаите за нивните прекршувања на човековите права, истовремено фокусирајќи се и на ублажување на сè потешката хуманитарна катастрофа во земјата.

За време на владеењето на талибанците помеѓу 1996 и 2001 година, милитантната група спроведуваше строг исламистички начин на живот и целосно им забрани на жените да работат и да учат надвор од домот.

Рухани одби да ја коментира контроверзната политика на талибанците кон жените, тој само рече дека Талибанците ги ценат сите граѓани, и жените и мажите, подеднакво.

Легенда под Главна слика

Фото: ЕПА

Радован Павловски (1935, Ниш, Србија) е водечко име на третатта генерација македонски писатели, која во нашата литература се појави во шеесеттите години на минатото столетие и внесе нов творечки дух со препознатлив национален белег.

повеќе

Во јавните високообразовни институции, научноистражувачката дејност е целосно маргинализирана под неопходниот минимум.

 

повеќе

Го потсетувам претседателот на државата дека уставниот рок за создавање на парламентарно мнозинство е 20 дена, а веќе 30 дена Владата нема парламентарно мнозинство.

повеќе