Се откриваат деталите од тужбата на свиркачот

Тајното ветување на Трамп до странски лидер е поврзано со Украина

Џулијани негираше, а потоа призна дека барал од земјата да го истражи Џо Бајден.

Во јавноста почнаа да се појавуваат повеќе детали за тужбата што разузнавач ја поднел против претседателот Трамп - а упатуваат на можна врска со изборите во 2020 година.

Извори за Вашингтон пост рекле дека тужбата се фокусира на Украина и дека можеби содржи разговор на претседателот за кој демократите во Домот веќе водат истрага.

Демократите побараа да го видат записот од разговорот со Володимир Зеленски. Тие ги обвинуваат Трамп и адвокатот Руди Џулијани дека вршеле притисок врз лидерот да спроведе „политички мотивирана“ истрага за синот на Џо Бајден, Хантер — и уште една за да му помогнат на поранешниот претседател на кампањата на Трамп, Пол Манафорт.

Тужбата на свиркачот, поднесена две и пол недели по повикот, наводно, содржи некакво „ветување“ на Трамп до странски лидер.

 

Повеќекратни активности

Мајкл Аткинсон, генералниот инспектор на разузнавачката заедница, вчера зборуваше пред Комитетот за разузнавање во Домот на брифинг зад затворени врати. Извори за Си-ен-ен рекле дека Аткинсон, кој ја добил тужбата и ја опишал како „итен случај“, по наредба на администрацијата одбил да разговара за деталите, но им рекол на пратениците дека разузнавачот го загрижиле „повеќекратни активности“ и „низа настани“.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе