Политичка криза на Косово

„Тачи нема уставно право да го смени Харадинај“

Ардијан Џини, од Алијансата за иднина на Косово, партијата на Рамуш Харадинај, изјави дека претседателот Хашим Тачи нема уставно право да го смени премиерот.

Тачи во понеделникот на конференција за новинарите му се закани на Харадинај со смена, доколку продолжи да се спротивставува на секоја иницијатива за нормализација на односите меѓу Белград и Приштина и да се заканува со војна.

Џини во интервју за телевизијата Клан Косова кажа дека идејата на Тачи за корекција на границите е опасна.

„Ако политичар има идеја или визија, најдобриот начин да ја оствари е да го убеди народот во неа. Ова прашање, според мене, е проблематично кога некој има идеја и сака секој да се согласи со неа иако сите се противат на идејата на претседателот Тачи“, кажа тој и додаде дека Харадинај „го знае својот начин, а неговиот став е јасен“.

Тој истакна и дека смета дека мнозинството граѓани на Косово сакаат границите да останат непроменети. „Повеќе од половината од Демократската партија на Косово (чиј основач е Хашим Тачи) го поддржува нашиот став“, кажа Џини.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе