Тачи: Како што кажаа САД, ЕУ и НАТО – да се суспендираат царините

Косовскиот претседател Хашим Тачи зборувајќи за конечниот договор со Белград кажа дека е потребно „креативно решение“. Според него, таквото решение би гарантирало дека ќе бидат исполнети интересите на двете страни, како и на САД, ЕУ и НАТО.

Тачи смета дека би било логично Прешево, Медвеѓа и Бујановац да се приклучат на „територијата на Република Косово“, но, како што истакна, да не се загрозат „косовските државни ресурси како езерото Газиводе, Северна Мировица, рудникот Трепча или друг имот“.

„И нормално, на крајот не може да има признавање меѓу двете држави без јасно дефинирање на меѓудржавната граница меѓу Косово и Србија“, кажа Тачи за Војс оф Америка.

Тој додаде дека приштинските власти целосно ќе го почитуваат секој совет од САД.

„Меѓутоа, треба да се сфати дека Косово се соочи со агресивни акции на Србија, акции кои му штетат на Косово, функционирањето на државата и интерно и екстерно“, кажа Тачи.

Тој оцени дека од таа причина мерките на Приштина биле „вистински чекор во вистинско време“, но кажа дека треба да се размислува за иднината „а иднината е почитување на преовладувачкото мислење да не се повлечат царините, но да се суспендираат, како пто советуваа САД, ЕУ, НАТО, косовскиот политички спектар, граѓанското општество“.

„Јас сум оптимист дека Косово нема да го преземе товарот на одговорноста за блокирање на преговарачкиот процес“, кажа Тачи.

На прашањето кои се црвените линии за Косово, тој кажа дека не може да има дијалог „во кој нема уверување од Србија за признавање и отворање на патот за членство на Косово во ОН“.

„Без овие две нешта, дијалогот нема смисла“, кажа косовскиот претседател.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе