За визната либерализација

Тачи: Граѓаните на Косово го губат трпението

Претседателот на Косово Хашим Тачи оцени дека граѓаните на Косово почнале да го губат трпението чекајќи либерализација на визите.

Тачи кажа и дека недостигот на јасна перспектива во интеграцијата на западниот Балкан создава простор за опасни антиевропски идеологии.

Како што соопшти неговиот кабинет, Тачи со еврокомесарот за проширување и добрососедски односи Јоханес Хан разговарал за либерализација на визите, дијалогот за нормализација на односите на Косово и Србија, како и за перспективата за зачленување на Косово и државите од западниот Балкан во Европската Унија.

„Граѓаните на Косово, како проверопски народ, почнаа да го губат трпението. Одлука за визите оваа година и посветеност на новата динамика на европските интеграции, ќе ја вратат загубената доверба во ЕУ“, кажа косовскиот претседател.

На средбата се разговарало и за неопходноста од надминувањето на несогласувањата меѓу државите од Западниот Балкан и за потребата од постигнување на сеопфатен, правно обврзувачки договор меѓу Косово и Србија, се вели во соопштението на кабинетот на Тачи.

Претходно Тачи се сретна и со претседателот на Европската комисија Доналд Туск.

Културата на победништво од нашите епски и херојски денови тотално ги уназади овие општества во 20 век, вели Миљенко Јерговиќ во интервју за Бука.

повеќе

Запрашајте се, о, вие, бездарници анационални што направивте!

повеќе

Додека Бугарите се убедуваат себеси и нас дека Гоце Делчев бил Бугарин, да се потсетиме на некои од Гоцевите искажувања, кои ја одразуваат неговата големина и неговото визионерство.

повеќе