СЗО: Укинувањето на ограничувањата не значи крај на епидемијата

Шефот на Светската здравствена организација, Тедрос Аданом Гебрејесус, предупреди дека земјите што планираат да ги ублажат мерките за ограничување поради пандемијата на коронавирус, треба да бидат подготвени да реагираат брзо во случај на нов пораст на бројот на заболените.

Тој на виртуелниот состанок на министрите за здравство на Г20 рече дека е „охрабрен“ од фактот дека некои земји почнуваат да планираат како да ги олеснат ограничувањата.

Сепак, како што рече, „укинувањето на ограничувањата не значи крај на епидемијата во ниедна земја - тоа е само почеток на следната фаза“.

Во таа следна фаза од витално значење е сите држави да обезбедат можност да детектираат, тестираат, изолираат и да го згрижат секој случај на ковид-19 и да го следат секој контакт, како и да осигурат дека нивните здравствени системи можат да одговорат на секое зголемување на случаите, рече шефот на СЗО.

Тој исто така изрази загриженост за растечкото темпо на пандемијата во сиромашните земји, на кои им недостигаат ресурси да се справат со поголеми епидемии.

Мислам дека Европа нема ни да дозволи полемика за македонскиот јазик затоа што тоа е строго научна работа. Освен нашите политичари-шупелки, никој друг не би посегнал по таа светост.

повеќе

Сега младите сакаат што е можно побрзо да ја напуштат својата земја. Тие веќе не се чувствуваат застапени и го изгубија чувството на припадност.

повеќе

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе