СЗО отвора систем за рано предупредување на пандемија во Берлин

Светската здравствена организација (СЗО) во Берлин во среда отвора центар за рано предупредување на пандемии кој би требало да сузбие идни пандемии.

Фото: ЕПА

Новиот глобален Центар за пандемиски и епидемиски пдатоци на СЗО „ќе ги собере партнерите од целиот свет за да соработуваат и да создадат податоци и алатки потребни на сите земји за подготовка, откривање и одговор на пандемиски и епидемиски ризици“, порача СЗО воочи настанот.

Центарот ќе го отворат првиот човек на СЗО Тедрос Аданом Гебрејесус и германската канцеларка Ангела Меркел.

Здравствените експерти веруваат дека по ковид-19 појавата на нова пандемија е само прашање на време и затоа предупредувачките знаци мора систематски да се следат со цел ран и силен одговор.

Кога одлуката за основање на центарот беше донесена во мај, Меркел рече дека „податоците се важна основа за борба против идните пандемии“.

„Податоците, комбинирани и обработени со вистински аналитички алатки, можат да обезбедат увиди што не би можеле да ги добиеме сами или барем не толку брзо“, рече таа.

Центарот ќе користи вештачка интелигенција за анализа на голема количина на податоци, фокусирајќи се на здравјето на животните, невообичаени болести кај луѓето, промени во однесувањето на луѓето, ефектите од климатските промени и движење на населението.

Германските институти, вклучително и заводот за јавно здравје Институтот Роберт Кох и берлинската болница Шарите, ќе бидат вклучени во проектот, како и Институтот Хасо Платнер.

Германија ќе му даде на центарот до 30 милиони евра.

Легенда под Главна слика

Фото: ЕПА

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе