Свикана специјална седница на српското собрание за Косово, ќе зборува и претседателот Вучиќ

Претседателката на српското собрание Маја Гојковиќ свика специјална седница на парламентот за 27 мај годинава на која ќе биде претставен извештај за Косово и Метохија, јавуваат српските медиуми.

Гојковиќ на новинарите им кажа дека ќе го покани српскиот претседател Александар Вучиќ да присуствува на седницата, да учествува во расправата и да поднесе извештај за Косово. Вучиќ претходно на новинарите им изјави дека е спремен да присуствува на седницата.

Додаде и дека ќе ги покани и премиерката Ана Брнабиќ, членови на српската влада и директорот на канцеларијата на српската влада за Косово Марко Ѓуриќ. „Очекуваме по извештајот на претседателот да се отвори дебата и во неа да учествуваат сите пратеници, бидејќи ова е важна тема“, истакна Маја Гојковиќ.

Претседателот на Србија Александар Вучиќ изјави денес дека е спремен да зборува пред собранието за Косово во следните неколку дена, доколку за тоа постои можност.

Тој истакна дека со изјавите и со „Резолуцијата за геноцидот на Србија на Косово“ верува дека, за жал, „маѓепсаниот круг на Косово не е затворен“.

Интернационалистички, универзалистички и солидарен пристап е единствениот начин да се надмине еколошката и климатска криза, во регионот и пошироко.

повеќе

Мора да се пристапи кон воведување нови мерки за поголема контрола на лицата кои поседуваат нелегални пари.

повеќе

Визија на развиениот свет е државните авторитети да го гледаат спортот како средство за подобар економски и социјален развој.

повеќе