Светската банка обезбеди 12 милијарди долари за борба против коронавирусот

Светска банка издвои 12 милијарди долари за набавка и дистрибуција на вакцини против коронавирусот и за тестови и лекови за борба против ковид-19, рече претседателот на Светската банка Дејвид Малпас на состанокот на министрите за финансии на Г20 и централните банки.

Фото: ЕПА

Парите на Светската банка се наменети за население од 112 земји, рече Малпас.

Тоа е дел од пакетот вреден 160 милијарди долари што Светската банка има намера да го насочи за борба против последиците на пандемијата до 30 јуни 2021 година.

„Имаме програми за итни случаи на одговор на здравствените проблеми во 112 земји и користиме брз механизам што сега овозможува пристап до 12 милијарди долари за набавка и испорака на вакцини“, рече Малпас.

Тој додаде дека Меѓународната финансиска корпорација (дел од Светска банка) работи на инвестирање дополнителни 4 милијарди долари во производство и дистрибуција на вакцини и средства за програми за вакцинација.

Болеста предизвикана од коронавирусната инфекција избувна кон крајот на 2019 година во централна Кина и се прошири во повеќето земји. Ова доведе до длабока меѓународна економска криза. Според прогнозата на ММФ, светската економија годинава ќе падне за скоро 4,4 проценти, но следната година треба да закрепне и да порасне за 5,2 проценти.

Легенда под Главна слика

Фото: ЕПА

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе