Обвинет за злосторства на Косово и во Албанија

Судот во Хаг го одби барањето, Тачи останува во притвор

Судот во Хаг го одби барањето на поранешниот командант на УЧК Хашим Тачи, обвинет за злосторства на Косово и во Албанија, да биде пуштен од притвор, објавено е на интернет страницата на судот.

EPA-EFE

Тачи претходно бараше да биде пуштен во една од двете држави кои на судот му дале гаранции, и таму да биде во домашен притвор под услови кои ќе ги одреди судот.

Државите се финансиери на судот и членки на НАТО, прецизирал Тачи во барањето.

Според официјалните податоци, судот чиј официјален назив е Специјализирани совети за Косово, финансиски го поддржуваат Канада, Норвешка, Швајцарија, Турција и САД. Само Швајцарија не е членка на НАТО.

Одбивајќи го барањето, судијата за претходна постапка Николас Гију се сложил со аргументот на обвинителството дека гаранции од трети држави не можат на соодветен начин да ги намалат ризиците кои би ги донело пуштањето на Тачи од притвор.

Иако прифатил дека ризикот од бегство на Тачи од домашен притвор во трета земја би можел да биде сузбиен, судијата Гију заклучил дека не би можел да се ограничи ризикот дека обвинетиот ќе ја опструира работата на судот, ќе влијае врз сведоците и ќе го повтори кривичното дело.

Според судијата, „само системот за следење на комуникацијата на Тачи во притворот на судот може ефикасно да го ограничи ризикот тој да го опструира правосудниот процес или да изврши кривично дели или да придонесе во тоа дело“.

Гију го отфрли тврдењето на одбраната дека Тачи на Косово повеќе нема влијание какво што имал поради поразот на неговата партија на неодамнешните избори.

Судијата заклучи дека на влијанието и мрежата на поддржувачи која ја има Тачи, како поранешен командант на УЧК, премиер и претседател на Косово, нужно не влијаат резултатите на изборите.

Повторно истакнувајќи дека на Косово „преовладува клима на заплашување на сведоците“, судијата Гију оцени дека претходните обиди да се опструираат судот и обвинителството „покажуваат дека постои веројатност Тачи повторно да изврши кривични дела“, особено сега кога е запознаен со повеќето докази против себе.

Легенда под Главна слика

EPA-EFE

Размислуваме како можеме да ја заштедиме и заштитиме водата, но само додека немаме вода!

повеќе

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе