Студија: Лекот за намалување на холестерол ја намалува смртноста од корона

Стотици милиони луѓе ширум светот користат статини, лекови кои го намалуваат нивото на холестерол во крвта и го спречуваат ризикот од развој на срцеви заболувања. Една нова американска студија покажа дека токму статините, „лековите против маснотии", ја намалуваат и смртноста од ковид-19, пренесува порталот Медикал њуз тудеј.

Покрај нивната примарна цел, статините имаат и силно антиинфламаторно, антикоагулантно и антивирусно дејство, сето тоа може да придонесе за намалување на компликациите поврзани со тешка клиничка слика од ковид.

Затоа група американски научници, меѓу кои и кардиолози кои се грижеле за лица заболени со ковид, го истражувале влијанието на статините врз оваа болест.

Тие го споредиле исходот од третманот на 1.296 пациенти хоспитализирани поради ковид. Половина од нив редовно користеле статини пред заразата, а половина не.

Откако ги спариле пациентите така што ги исклучиле демографските разлики и другите фактори на ризик, тие откриле дека употребата на статини кај испитаниците ја намалила смртноста за 50 проценти еден месец по хоспитализацијата.

Ова е најголемата студија од ваков вид досега спроведена, но не е единствена. Студија спроведена минатата година во Сингапур покажа дека луѓето кои користат статини имаат помала веројатност да завршат на одделот за интензивна нега поради ковид отколку оние кои не ги земаат како вообичаена терапија.

Во американско истражување е утврдено дека пациенти кои користат статини се опоравуваат побрзо од ковид.

Научниците сметаат дека ова може да биде затоа што статините, покрај тоа што го намалуваат воспалението и ризикот од згрутчување, го отстрануваат холестеролот од надворешните обвивки на клетката. Рецепторите на кои се врзува САРС-КоВ-2, вирусот што предизвикува ковид, се наоѓаат токму во делот на клеточната мембрана каде се таложи холестеролот. Без него, вирусот не може да навлезе во клетката, покажаа резултатите од студијата.

Научниците сега треба да ги потврдат своите наоди со поголеми и подетални клинички истражувања.

„Доколку клиничките испитувања ги потврдат резултатите, статините би можеле да се покажат како евтина и ефикасна терапевтска стратегија во борбата против ковид“, рече водечкиот автор на студијата, др. Махеш В. Мадхаван, кардиолог од медицинскиот центар Ирвинг при њујоршкиот универзитет Колумбија.

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе