Страшна епидемија на ебола во Централна Африка, умреа 1.400 луѓе

Раководителот на медицинската истражувачка добротворна фондација Велкам траст ја нарече последната епидемија на ебола во Централна Африка „навистина страшна“, објави денеска Би-би-си.

Џереми Фарар, директорот на Велкам траст, рече дека оваа епидемија е најлоша од крајот на онаа што траеше од 2013 до 2016 и дека не покажува знаци на слабеење.

Таа е „трагична, но не изненадува“, рече Фарар, додавајќи дека е потребен целосен национален и меѓународен одговор за да се заштитат животите.

„Демократската Република Конго не треба со тоа да се справува сама“, истакна тој.

Речиси 1.400 лица починаа во таа земја, а две во соседна Уганда, кои воедно се првите регистрирани случаи на ебола во таа земја.

Петгодишно момче заразено со вирусот почина во вторникот, а една жена, за која се смета дека е неговата баба, почина во средата, соопштија од Министерството за здравство на Уганда.

Владата на Уганда забележа уште најмалку шест случаи за кои постои сомневање дека се ебола.

Во областа Касесе во западна Уганда, каде што се пријавени смртни случаи, јавните собири се забранети, изјави портпаролот на министерството за здравство Емануел Ајнебјон за Ројтерс.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе