„Невообичаено за Европа“

Стотици повредени, уништени села, силно торнадо ги погоди градовите низ Чешка (ВИДЕО)

Повеќе од 150 лица се пријавени како повредени, а неколку села претрпеа сериозни штети откако торнадо од категоријата Ф3 или Ф4 ја погоди областа Моравија, по должината на границата меѓу Чешка и Словачка.

Фото: скриншот

На социјалните мрежи кружат видеа на кои се гледа разорувањето некаде помеѓу Брецлав и Ходонин, во југоисточна Чешка.

Последиците од торнадото се снимени со камера и во селото Лужице, со околу 3.000 жители.

Градоначалникот на Хрушки, кој има 1.500 жители, вели дека половина од селото е „уништено“.

Властите го проценија бројот на повредени меѓу 100 и 150 лица, но сè уште пристигнуваат информации за повредени и за штети.

Една чешка телевизија објави дека торнадото можеби било Ф3 или Ф4 според скалата Фуџита, оценет како „значителна“ до „сериозна“ штета. Метеорологот Михал Шак рече дека тоа е „веројатно најсилното торнадо во поновата (чешка) историја“ и многу невообичаено во Европа.

Локалните служби за итни случаи ги предупредија граѓаните да не излегуваат надвор или на улица и ја опишаа ситуацијата како „оштетени куќи, пожари, сообраќајни несреќи, дрвја врз автомобили и куќи“.

Околу 121.000 домаќинства останаа без електрична енергија како резултат на невремето, рекоа властите.

Последен пат Чешка ја погоди торнадо во мај 2018 година. Тоа беше Ф0 настан, кој погоди претежно празно земјоделско земјиште во областа Плзен, без да има повредени.

Легенда под Главна слика

Фото: скриншот

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе