Српски суд ги ослободи мажите кои со моторна пила влегоа во зградата на РТС

Белградски суд ги ослободи вечерва двајцата перформери кои беа уапсени по упадот на демонстрантите во зградата на Радио телевизија Србија и се обвинети за насилничко однесување бидејќи во зградата внеле моторна пила.

По сослушувањето на осомничените судот донесе одлука со која го одби предлогот на обвинителството за одредување притвор. Обвинителите на таа одлука можат да се жалат во рок од три дена.

Двајцата рапери, Миња Пернат и Милијан Чичиќ на јавноста се познати по уличните перформанси и сатиричните песни против власта.

Прекршочниот суд по итна постапка веќе процесираше седум лица, шестмина се осудени на 30 дена затвор, едно лице на парична казна, а против две ќе се води прекршочна постапка во редовна процедура.

Лидерите на опозицискиот Сојуз за Србија бараа ултимативно ослободување на сите уапсени и најавија организирање мирни протести и дежурства пред кабинетот на претседателот Александар Вучиќ, истакнувајќи дека тоа е местото од кое, „согласно уставот и законот“, тие можат да бидат ослободени, алудирајќи на овластувањата на српскиот претседател за помилување.

Вучиќ претходно денес кажа дека има право на помилување во текот на кривична постапка, но не и во случај на прекршок. Објасни дека на жалбениот прекршочен суд не може да влијае како претседател, но може „како човек“.

Еден од уапсените и прекршочно казнети на 30 дена затвор е матурант, а неговото ослободување, со поддршка од професорите, во понеделникот побараа и колегите од белградската Филолошка гимназија, заканувајќи се, ако не биде ослободен за 48 часа, дека ќе ги повикаат сите ученици од средните училишта на улица на протести.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе