Српски министер: Србите треба да се однесуваат како Албанците во деведесеттите

Министерот во српската влада Расим Љајиќ кажа дека Србите на Косово треба да се однесуваат како Албанците во деведесеттите години.

Тој објасни дека Србите би требало за сѐ што им се случува, а особено за нападите што ги доживуваат, да ги информираат сите меѓународни организации, како што тоа го правеа Албанците во деведесеттите години.

Зборувајќи за последниот инцидент на Косово, во кој група Албанци каменувала автобуси во кои биле Срби од местото Исток, Љајиќ оцени дека тој инцидент нема врска со политиката, туку со основните човекови права и безбедноста на луѓето кои се предмет на напади само поради верата.

„Србите треба да се однесуваат како Албанците во деведесеттите за сѐ што им се случува да ја информираат меѓународната заедница. Иако тоа ништо нема да реши, ќе го сврти вниманието на јавноста. Бидејќи, светот прилично се смени за последните 10 години и сите станаа чувствителни на загрозувањето на малцинските и човековите права“, истакна српскиот министер за трговија, туризам и телекомуникации.

Од друга страна, тој објасни дека „сета оваа атмосфера покажува дека косовскиот проблем не е ни блиску до решавање“. Од една страна, според него, нема спремност на Приштина, ни демократски легитимитет да се спроведат потребните промени. Од друга страна, меѓународната заедница има други проблеми во фокусот, а Србија ќе треба да почека тоа прашање да дојде на нивниот дневен ред, кажа Љајиќ.

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе