Лоциран пред второто најголемо пристаниште во земјата

Спорниот ирански танкер се приближува кон Сирија

Иранскиот танкер Адријан Дарја 1, кој е во центарот на спорот меѓу Техеран и западните земји и кој пред неколку дена ги исклучи предавателите, е снимен со помош на сателит пред сириско пристаниште, објави американската вселенска компанија Максар технолоџис.

Според сателитските слики од таа компанија, танкерот на 6 септември бил многу близу до сириското пристаниште Тартус.

Според податоците на компанијата, која ги следи движењата на бродовите низ целиот свет, танкерот се чини дека ги исклучил транспондерите додека бил во Медитеранот западно од Сирија.

Танкерот, кој пренесува иранска сурова нафта, последен пат ја откри својата локација со сигнал додека беше помеѓу Кипар и Сирија.

Бродот, претходно со име Грејс 1, беше запрен од британската морнарица во близина на Гибралтар на 4 јули под сомнение дека возел нафта во Сирија прекршувајќи ги санкциите на ЕУ.

Две недели подоцна Иран за одмазда заплени британски танкер во Ормускиот теснец.

Гибралтар го ослободи иранскиот танкер на 15 август, откако доби уверување од Техеран дека бродот нема да ги истовари 2,1-те милиони барели нафта во Сирија.

Експертите оценија дека танкерот најверојатно ќе ја префрли нафтата на друг брод откако Иран објави дека договорил нејзина продажба.

Вашингтон ги предупреди државите да не помагаат во претоварувањето на нафтата затоа што тоа ќе го сметаат за поддршка на терористичка организација - Иранската револуционерна гарда.

Министерството за финансии на САД го стави танкерот на својата црна листа.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе