Спејсекс укинува 600 работни места

Производителот Спејсекс, компанија основана од страна на познатиот претприемач Илон Маск објави дека ќе отпушти околу 10 отсто од вкупниот број на 6.000 вработени во пресрет на „претстојниот период на исклучително тешки предизвици“, пренесе Гардијан.

„Со цел да продолжиме со испораките кон нашите клиенти и за да успееме да развиеме меѓупланетарно летало и глобален интернет базиран во вселената, Спејсекс треба да стане поефикасна компанија“, рече во петокот портпаролот на компанијата.

Во јуни минатата година, извршниот директор Илон Маск отпушти најмалку седум лица од високиот менаџерски тим што го водеше проектот за лансирање на сателитот Спејсекс, објави Гардијан во ноември. Отказите беа поврзани со несогласувања околу темпото со кое тимот ги развивал и тестирал сателитите Старлинк.

Програмата Старлинк на Спејсекс се натпреварува со Уанвеб (OneWeb) и канадскиот Телесат за кој прв ќе го отвори пазарот за нова сателитска интернет услуга.

Минатиот месец Спејсекс ја реализираше својата прва вселенска мисија поврзана со американската мисија на национална безбедност кога ракетата на Спејсекс носејќи сателит на американската воена навигација беше лансирана од Кејп Канаверал во Флорида.

Неодамна Вол стрит џурнал објави дека Спејсекс земал дополнителни 500 милиони долари во капитал па така вредноста на компанијата изнесува 30,5 милијарди долари.

Оваа компанија со седиште во Хоторн, Калифорнија, претходно ги објави плановите за патување до Марс во 2022 година, по што до 2024 година ќе следува мисија на испраќање луѓе до Црвената планета.

Другата компанија на Илон Маск, производителот на електрични автомобили Тесла, во јуни соопшти дека намалува 9% од својата работна сила со скратување на неколку илјади работни места во компанијата со своите мерки за намалување на трошоците.

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе