Горниот дом на парламентот

Советот на Федерацијата на Русија ја ратификуваше анексијата на четирите украински региони

Горниот дом на рускиот парламент Советот на Федерацијата денес едногласно го ратификуваше законот за припојување на украинските региони Доњецк, Луганск, Херсон и Запорожје, по сличното гласање објавено вчера во Државната дума, долниот дом на парламентот на Русија.

EPA-EFE

Документите сега се враќаат во Кремљ на конечен потпис на претседателот Владимир Путин за да заврши процесот на формалното припојување на четирите региони, кои претставуваат околу 18 отсто од признатата територија на Украина, пренесува Ројтерс.

Русија ја прогласи анексијата по одржувањето на, како што ги нарече, референдумите во окупираните области на Украина.