Состојбата во Амазонија е сѐ потешка, во еден ден се снимени над илјада пожари (ВИДЕО)

И покрај мерките, бројот на пожарите во бразилскиот амазонски регион продолжува да расте, според официјалните податоци објавени вчера.

EPA-EFE

Во деветте бразилски држави кои граничат со амазонскиот басен, бројот на пожарите пораснал за повеќе од 20 отсто во јули во споредба со истиот месец минатата година, а податоците ги објави Националниот институт за истражување на вселената Инпе.

Институтот наведува дека во јули годинава биле регистрирани 6.804 пожари, во споредба со 5.318 во јули минатата година. функционерите се плашат дека 2020 би можела да биде и полоша за прашумите во Бразил.

Само во четвртокот сателитите снимиле 1.007 пожари во Амазонија, што бразилски Гринпис го нарече негативен 15-годишен рекорд за еден ден во јули.

Активистот на Гринпис Ромули Батиста кажа дека забраната за палење растенија со службен указ нема да функционира сѐ додека не биде засилен надзорот.

Кон средината на јули министерот за животна средина Рикардо Салес и претседателот Жаир Болсонаро забранија палење растенија во амазонскиот регион и во Пантанал, најголемиот мочуришен регион во светот, на 120 дена.

Десничарскиот популист Болсонаро го поддршува економското искористување на Амазонија. Тој е жестокот критикуван поради разорните пожари во Амазонија минатата година.

Го обвинуваат дека го прифаќа уништувањето поради отворањето нови области за земјоделство, сточарство и рударство.

Амазонија е најголемата светска прашума и научниците предупредуваат дека е клучна одбрана против климатските промени бидејќи ги апсорбира гасовите со ефект на стаклена градина.

Легенда под Главна слика

EPA-EFE

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе