Со водени топови и солзавец на демонстрантите против ковид-пропусниците во Трст (ВИДЕО)

Италијанската полиција употреби водени топови и солзавец за да ги разбрка демонстрантите против задолжителните ковид пропусници кои се обидоа да го блокираат пристапот до пристаништето во Трст.

EPA-EFE

Градот на североистокот на земјата е жариште на италијанските протести против воведувањето на новите правила минатиот петок, од кога сите работници мора да имаат потврда за вакцинација, негативен тест за коронавирусот или потврда дека неодамна оздравеле од инфекцијата.

Полицијата под полна интервентна опрема дејствуваше откако неколку стотици пристанишни работници го оневозможија пристапот до еден од главните влезови во најголемото италијанско трговско пристаниште.

Толпата беше потисната со помош на водени топови, по што беше употребен и солзавец. Многумина тргнаа кон главниот градски плоштад за да го продолжат протестот пред канцелариите на владата.

„Нè нападнаа. Јас сум без зборови. Никогаш не би го очекувал тоа. Ќе останеме тука да седиме. Ние сме мирни. Нема да се предадеме“, кажа Стефано Пуцер, портпаролот на пристанишните демонстранти.

Владата тврди дека задолжителните потврди се потребни за да се заштитат работници и да се поттикнат другите на вакцинација. Според правилото, кое е на сила до крајот на годината, работниците ќе бидат суспендирани без плата и соочени со казна до 1.500 евра ако се обидат да работат без пропусница.

Повеќето Италијанци ја поддржуваат таа одлука, покажуваат истражувањата на јавното мислење, но гласното малцинство тврди дека таа ги крши работничките права.

Околу 15 отсто во приватниот сектор и осум отсто во јавниот нема таканаречена зелена пропусница.

Меѓутоа, Пуцер тврди дека 40 отсто од пристанишните работници не се вакцинирани.

Антиваксерското движење е посилно во Трст отколку во другите делови на Италија.

Легенда под Главна слика

EPA-EFE

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе