Смог го „проголта“ Њу Делхи, градот не се ни гледа (ФОТО)

Густ смог го обви денес главниот град на Индија Њу Делхи, а квалитетот на воздухот се искачи на опасно ниво по прославата на хиндуистичкиот фестивал Дивали, пренесе АП.

За време на овој фестивал, десетици илјади луѓе палат петарди.

Училиштата за време на празникот се затворени, па многу деца останале во домовите за да го избегнат загадувањето на воздухот кое достигна до 681 честички во Њу Делхи, соопшти американската амбасада од 200 во претходниот ден. Оваа количина е дваесет пати поголема од онаа што Светската здравствена организација ја смета за безбедна.

Владата наведе дека големото загадување е резултат на палење на земјоделското земјиште и огномет.

Индискиот институт за тропска метеорологија соопшти дека се очекува зголемениот ветер да го разреди загадувањето за два до три дена.

Многумина кои прославуваа се оглушија на наредбите од Врховниот суд да се палат петарди или огномети два часа во среда вечерта меѓу 20.00 и 22.00 часот и да се користат само петарди кои помалку го загадуваат воздухот.

Индиските власти се обиделе да ја намалат прашината со измивање на многу населби и издавање наредби до градителите да ги покријат градилиштата. Електраните на јаглен во главниот град на Индија се затворени.

Министерството за транспорт проверувало дали автобусите што влегуваат во регионот имаат соодветни документи за издувни гасови. Владата ги забранила дизел возилата постари од 10 години. Во средата владата го забранила влезот на дизел возила во Њу Делхи од 8 до 10 ноември, за да го контролира нивото на загадување. Дозволен е пристапот само на оние дизел камиони кои носат храна.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе