Словенија ги повлекува своите војници од нападната база Ербил во Ирак

Поради нападот врз воздухопловната база во Ербил на северот на Ирак Словенија ќе ги повлече своите шест војници кои таму со коалициските сили учествуваа во обуката на ирачката војска, соопшти денес словенечкото министерство за одбрана.

Извлекувањето, како што се додава, ќе биде изведено заедно со евакуацијата на германските војници кои таму се наоѓаат во истата мисија. За одлуката за повлекување се информирани претседателот на државата Борут Пахор и министерот за одбрана Карл Ерјавец кои рано наутро за состојбата во Ирак се консултирале во министерството за одбрана и со видео-врска разговарале со словенечките војници во Ербил.

За повлекувањето од Ирак е информиран и премиерот Марјан Шарец, а сите припадници на словенечката војска за време на нападот врз воздухопловната база биле во засолниште, не се повредени и добро се чувствуваат, соопшти словенечкото министерство за одбрана.

Министерот за надворешни работи Миро Церар кажа дека со заострувањето на ситуацијата во Ирак ги повикува сите страни на смирување на тензиите и додаде дека ќе учествува на вонредната министерска средба на членките на ЕУ утре на кој треба да се усогласи дејствувањето на Европската Унија.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе