Орбан беше критикуван од унгарските соседи затоа што на неодамнешниот пријателски фудбалски натпревар во Будимпешта меѓу унгарските и грчките репрезентации носеше шал со карта на Голема Унгарија.
Картата на шалот на Орбан ги прикажува границите на поранешното Кралство Унгарија, изгубено со Договорот од Тријанон во 1920 година, кој ги вклучува модерната Австрија, Хрватска, Романија, Србија, Словачка и Украина.
Романското Министерство за надворешни работи го обвини Орбан за „ревизионизам“, додека Киев побара официјално извинување од Будимпешта. Словачкиот министер за надворешни работи Растислав Кацер го нарече шалот на Орбан „одвратен“.
„Забележав дека Виктор Орбан има стар шал, па денеска му подарив нов. Доаѓа зима“, напиша Хегер на Фејсбук.
I’ve welcome HU PM Viktor #Orban to #V4 summit in #Kosice and as winter is approaching gave him a new #scarf #scarfgate. pic.twitter.com/zXVrRxWWim
— Eduard Heger (@eduardheger) November 24, 2022
Орбан на социјалните мрежи исто така објави фотографија со Хегер и новиот шал. Тој на Твитер напиша: „Да живее унгарско-словачкото пријателство“.
Long live Hungarian-Slovak friendship! The #V4 Summit is about to start. I expect a great meeting with @MorawieckiM @eduardheger and @P_Fiala 🇭🇺🇵🇱🇸🇰🇨🇿 pic.twitter.com/oV0fhnjBIt
— Orbán Viktor (@PM_ViktorOrban) November 24, 2022
Унгарскиот премиер ги отфрли критиките за шегата, велејќи дека „каде и да живеат Унгарците, унгарската фудбалска репрезентација е репрезентација на сите Унгарци“.
