Скок на новите случаи во Словенија, Јанша бара казни до 10.000 евра за кршење на мерките

Во Словенија во последните 24 часа со 8.063 теста се потврдени 2.226 нови зарази со коронавирусот, а од последиците на ковид-19 умреле уште 43 заболени, објави денес словенечката влада.

EPA-EFE

Станува збор за најголемиот дневен број на новозаразени од почетокот на пандемијата, откако на 27 октомври имаше 2.611 заразени, а и процентот на позитивни тестови е зголемен во однос на претходниот ден и изнесуваше 27,61 отсто, со потврдени 1.302 зарази и 59 мртви, најмногу до сега.

Словенечката влада утре ќе одлучува за епидемиолошките мерки, а владиниот експертски тим за ковид-19 предложи сите рестриктивни мерки да се продолжат и следната недела.

Строгите мерки и карантинот во Словенија се на сила веќе еден месец, а некои сметаат дека треба да останат на сила до крајот на годината, и покрај мислењето дека е достигнат таканаречениот плафон на вториот бран на пандемијата и дека бројот на дневните зарази би можел на крајот на оваа или на почетокот на следната недела да почне да паѓа, по што ќе почне да паѓа и бројот на хоспитализираните.

Во Словенија од почетокот на епидемијата од последици на ковид-19 умреа 1.199 луѓе, а медиумите наведуваат дека според меѓународните податоци Словенија е на првото место според морталитетот меѓу заболените во последните седум дена.

Состојбата во болниците каде што се примаат болните од ковид и понатаму е критична и во некои капацитетите за сместување се полни па заболените се преместуваат во оние каде што сè уште има слободни кревети.

Премиерот Јанез Јанша денес во парламентот ќе претстави нов законски пакет за помош за коронакризата кој меѓу другото носи и големо зголемување на казните за прекршувачите на епидемиолошките мерки кои би изнесувале од илјада до десет илјади евра, но опозицијата со амандман на законот побара да се отфрли таа идеја.

Легенда под Главна слика

EPA-EFE

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе