Во близина на хотел

Сите џамии и цркви затворени во област во Витлеем, меѓу нив и Базиликата на Исусовото раѓање

Базиликата на Исусовото раѓање од денеска е затворена, а на странските туристи им е забрането да престојуваат во хотелите на Западниот Брег, откако беа откриени четири сомнителни случаи на коронавирус во палестинскиот град Витлеем.

По сомнителни случаи на коронавирус во хотел во градот Витлеем на Западниот Брег, палестинското Министерство за здравство ги затвори сите џамии и цркви во областа.

Според Вафа, официјалниот новински сервис на палестинската власт, прогласена е медицинска вонредна состојба во светиот град, каде што се наоѓа Базиликата на Исусовото раѓање, популарно место за аџилак, кое се смета за родното место на Исус.

Иако нема потврдени случаи на коронавирус на палестинските територии, властите ги откажаа и сите спортски настани во градот и ги затворија училиштата. Тие побараа од туристите и да ги откажат резервациите во хотелот, се вели во извештајот на Вафа.

Од мерките што ги објави Министерството за туризам на палестинската власт особено ќе биде погоден библискиот град, чии фирми во голема мера зависат од христијанските посетители на црквата, изградена на традиционалното место на раѓањето на Исус.

Пред само три месеци Витлеем го славеше својот најдобар Божиќ последниве две децении, рекоа градоначалникот и хотелиерите, дури и подобро од 1,5-те милиони посетители што ги прими во 2018 година.

Латинската патријаршија на Светата земја соопшти дека Базиликата, која првпат е изградена во 339 година и била повторно градена и проширувана низ вековите, ќе биде затворена две недели, заедно со други цркви и џамии во областа Витлеем.

И забраната за странски гости во хотелите на Западниот Брег ќе трае две недели, соопшти Министерството за туризам.

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе