Синот на Мило Ѓукановиќ сослушан поради Пандорините документи

Блажо Ѓукановиќ, синот на претседателот на Црна Гора Мило Ѓукановиќ, беше сослушан денес во Специјалното државно обвинителство во својство на граѓанин.

EPA-EFE

Тој одговарал на прашања на обвинителите околу случајот Пандора документи, јавува ТВЦГ, а дека Блажо Ѓукановиќ ќе биде сослушан вчера кажа главниот специјален обвинител Миливоје Катниќ.

Од друга страна, Мило Ѓукановиќ за тој случај писмено ќе се изјасни.

„Пишано изјаснување е можно. Тоа им се дава на високите функционери, не за да бидат привилегирани или издвоени од другите, туку за да се избегне процедурата на контролирање на просториите. Се гледа некој да не ја отрул водата, да нема некаде експлозивна направа и тоа ни го одзема денот на сите. Ние затоа ги пишуваме прашањата кои би му биле поставени кога би дошол и му ги испраќаме за изјаснување. Но кога би бил повикан да дојде, сигурно би дошол“, кажа Катниќ вчера.

Во Пандора документите се наведува дека Мило и Блажо Ѓукановиќ во 2012 година склучиле тајни договори за управување со нивниот имот криејќи се зад комплицирана мрежа поврзани компании од Британија, Швајцарија, Британските Девствени Острови, Панама и Гибралтар, како што беше објавено во истрагата која ја водеше Меѓународниот конзорциум на истражувачки новинари (ИЦИЈ) со партнери од 117 земји.

Според тие наводи, синот на претседателот на Црна Гора ја искористил таа структура за да формира и две скриени компании со ќерки фирми во Лондон и Црна Гора.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе