Силен земјотрес во источен Медитеран беше почувствуван во неколку земји

Европско-медитеранскиот сеизмолошки центар (ЕМСЦ) објави дека утрово во источен Медитеран е регистриран земјотрес со јачина од 5,9 степени според Рихтеровата скала.

Фото: ЕПА

ЕМСЦ наведува дека епицентарот бил на длабочина од 60 километри, 298 километри источно од Ираклион во Грција и 139 километри југоисточно од островот Карпатос.

Во исто време, грчки „Катимерини“ објави дека утрово е регистриран земјотрес со јачина од 6,1 степени според Рихтеровата скала југоисточно од Карпатос.

Ројтерс пренесува дека земјотресот бил почувствуван на островите Крит, Санторини и Родос, како и во Каиро и други градови во Египет.

Џерузалем пост објавува дека земјотресот бил почувствуван низ целиот Израел, а АП наведува дека силен земјотрес бил почувствуван на турскиот брег на Медитеранот.

Турската агенција за справување со катастрофи објави дека земјотрес со јачина од 6,0 степени според Рихтеровата скала е регистриран во 8,32 минути, на околу 155 километри од градот Кас, во провинцијата Анталија, пренесува Бета. Нема информации за жртви или материјална штета.

Турција е на земјотресно тло и земјотресите се чести. Земјотресот со јачина од 7,4 степени според Рихтеровата скала што го погоди северозападна Турција во 1999 година уби повеќе од 17.000 луѓе.

Легенда под Главна слика

Фото: ЕПА

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе