Утрово

Силен земјотрес од шест степени ја погоди Грција

Земјотресот е почувствуван низ целиот Пелопонез и Атика, но и во Турција, Египет, Италија и Либија.

Силен земјотрес од шест Рихтерови степени ја погоди утрово Грција, јави Евромедитеранскиот сеизмолошки центар ЕМСЦ. Засега нема информации за евентуални жртви и штети.

Земјотресот се случил во 8.23 утрово, а епицентарот бил во море во близина на Крит, околу 74 километри северозападно од градот Ханиа, на длабочина од 56 километри.

Тресењето на тлото било почувствувано низ целиот Пелопонез и Атика, јавуваат локалните медиуми, но и во Турција, Египет, Италија и Либија.

Зградите на Крит и универзитетите биле евакуирани рано утрово. Според првите информации од теренот, земјотресот бил силен и се почувствувал низ цела Грција. Засега, сепак, нема точни информации колку траел потресот.

Говорејќи за локалните медиуми, сеизмологот Ефтимиос Лекас рече дека денешниот потрес не е поврзан со смртоносниот земјотрес што вчера ја погоди Албанија, како и тој во Босна.

Грците се плашат од нови земјотреси што, според локалните медиуми, по Крит би можеле да го погодат копното, како и Турција и Италија.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе