Силен земјотрес ги погоди Филипините, најмалку едно лице загина

Земјотрес со јачина од 6,6 степени во вторникот ја потресe областа Самар во источниот дел на Филипините, соопшти Европскиот медитерански сеизмолошки центар (ЕМСЦ).

EPA-EFE/JOHN MARK

Земјотресот, со епицентар во море на длабочина од 30 километри, оштети куќи и друг имот, а загина најмалку едно лице. Оштетен е и спортски комплекс, кој бил претворен во карантин среде новата пандемија на коронавирус.

Филипинската сеизмолошка агенција соопшти дека нема опасност од цунами, но предупреди за ризик од последиците од земјотресот и нови силни потреси.

Тоа е најсилен земјотрес на Филипините, кои се наоѓаат на т.н. Огнен прстен - сеизмички активен појас на вулкани во Тихиот океан, во последните осум месеци.

Маж, пензиониран полицаец, загинал кога неговата три-катна зграда се срушила и четири лица се здобиле со полесни повреди, соопштија локалните власти.

Пациентите се преместени под шатори поради пукнатини во зградата на болницата, изјави локален службеник.

Инженерите вршат увид во оштетениот спортски комплекс за да видат дали е безбеден за сместување на лица кои се таму во карантин, рече тој.

Филипините со 107 милиони жители имаат најголем број случаи на коронавирус во југоисточна Азија. Потврдени се повеќе од 164.000 случаи на зараза и 2.681 смртен случај.

Легенда под Главна слика

EPA-EFE/JOHN MARK

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе