Си-ен-ен: Речиси 50 отсто од Американците имаат негативно мислење за Меланија Трамп

Првата дама на Соединетите Американски Држави Меланија Трамп заминува од Белата куќа со најниска популарност од почетокот на својот мандат, пишува Си-ен-ен повикувајќи се на сопствено истражување.

EPA-EFE

Од февруари 2016, откако Си-ен-ен го следи нејзиниот рејтинг во јавноста, сопругата на американскиот претседател Доналд Трамп има најниска популарност.

42 отсто од анкетираните кажа дека имаат позитивно мислење за неа, 11 отсто одговориле дека не се сигурни, а дури 47 отсто кажале дека имаат негативно мислење за неа.

Најдобар рејтинг имала во мај 2018 – 57 отсто, што се поклопи со првата службена државничка вечера и заминувањето на погребот на поранешната прва дама Барбара Буш во Тексас без сопругот.

Но, според податоците на Си-ен-ен популарноста ѝ паднала веќе во декември, по нејзината самостојна посета на Африка, кога за неа негативно мислење имале 36 отсто од анкетираните, а позитивно 43 отсто.

Последното истражување покажало дека популарноста меѓу Американците и е далеку пониско од популарноста на нејзините претходнички.

Според анкетата на Си-ен-ен/ОРЦ од јануари 2017 Мишел Обама ја напуштила Белата куќа со 69 отсто позитивни оценки, што е ист процент како и на почетокот на мандатот осум години претходно. Лаура Буш добила 67 отсто позитивни оценки, а Хилари Клинтон 56 отсто.

Си-ен-ен истакнува дека методологијата на анкетата се изменила во однос на претходните бидејќи се зголемил бројот на анкетираните преку телефон, а истражувањето траело подолго од шест дена.

Спроведена е во периодот меѓу 9 и 14 јануари и во неа учествувале 1.003 полнолетни лица.

Легенда под Главна слика

EPA-EFE

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе