Си Џинпинг ги повика лидерите на Г20 заеднички да се справат со предизвиците на климатските промени и енергијата

Кинескиот претседател Си Џинпинг ги повика лидерите на Групата 20 најмоќни светски економии (Г20) да преземат конкретни активности засновани на принципот на заедничка, но диференцирана одговорност за решавање на прашањата за климатските промени и енергијата, оценувајќи дека тоа се најистакнатите глобалните предизвици.

Фото: ЕПА

Според кинеската медиумска групација (ЦМГ), во вчерашното обраќање на Самитот на лидерите на Г20 преку видеоврска, Си ја поздрави растечката волја и импулсот на меѓународната заедница за заедничко соочување со предизвиците и истакнал дека е од клучно значење да се преземат конкретни активности.

Наведувајќи ги честите појави на екстремни временски настани и неодамнешните турбуленции на меѓународниот енергетски пазар, Си ја повика меѓународната заедница да ја балансира заштитата на животната средина и економскиот развој и да ги земе предвид средствата за живот на луѓето додека се справуваат со климатските предизвици.

Големите економии треба да ја подобрат соработката во овој поглед, рече Си.

Кинескиот претседател ја повтори важноста на целосната имплементација на Рамковната конвенција на ОН за климатски промени и Парискиот договор со ОН во нејзината основа.

Меѓународната заедница треба да ги забрза своите активности и да ја зајакне соработката по принципот на споделени, но диференцирани одговорности како камен-темелник, меѓународното право како негова основа и ефективно дејствување како насоки, рече Си.

Си го посочи технолошкиот напредок во борбата против климатските промени, бидејќи помага во реализацијата на енергетската транзиција. Тој, исто така, предложи земјите-членки на Г20 да го преземат водството во унапредувањето и имплементирањето на напредните технологии.

Развиените земји, исто така, треба да ги исполнат своите обврски за обезбедување финансиска поддршка на земјите во развој, рече Си.

Легенда под Главна слика

Фото: ЕПА

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе