Шведскиот премиер ја изгуби довербата и владата паѓа

Шведскиот премиер Стефан Левен го изгуби гласањето за доверба на неговата влада, јавува Франс прес во текстот насловен „Паѓа владата“.

EPA-EFE

Кризата на владата во Шведска настапи откако партијата Левица ѝ ја ускрати поддршката за новиот закон за одредување на кириите за станување.

За доверба на владата на Левен се гласаше денес, а тој изгуби и сега Швеѓаните би можеле да излезат на првите вонредни избори од 1958 година.

Шведскиот парламент, по изгласувањето на недовербата му даде на лидерот на социјалдемократите една недела да одлучи дали ќе поднесе сотавка и ќе дозволи да се формира ново парламентарно мнозинство, или ќе свика вонредни избори, јавува Ројтерс, додека Асошиејтед прес наведува дека тој е првиот премиер на оваа скандинавска земја кој е сменет во парламентот.

Националистичката партија Шведски демократи ја искористи шансата да свика гласање за доверба минатата недела, откако поранешната комунистичка партија Левица ја повлече поддршката за владата поради планот да се ублажи контролата на кириите за новоизградените станови.

Сè уште не се знае кому ќе му се обрати претседателот на собранието за формирање нова влада, а анкетите покажуваат дека партиите од левиот центар и десниот центар се изедначени, што значи дека вонредни избори не би донеле решение.

Нова или преодна влада ќе работи до општите избори кои се закажани за септември следната година.

Легенда под Главна слика

EPA-EFE

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе

Енергетската сиромаштија е значително поприсутна во централна, источна и југоисточна Европа, покажува последното истражување.

повеќе