Шведска очекува војна? Упатства до граѓаните за случај на судир (ФОТО)

Шведска следната недела ќе им подели на своите граѓани упатства за тоа како да постапуваат во случај да избувне војна.

Во памфлетот „Ако дојде до криза или до војна“, на 20 страници, се даваат совети за тоа како да се набави чиста вода, да се препознае пропаганда и да се пронајде заштита од бомбите, наведува Гардијан и истакнува дека ова е прва кампања за подигнување на свеста во јавноста од овој вид од времето на Студената војна.

Во памфлетот им се порачува на Швеѓаните дека нивна должност е да реагираат доколку нивната земја биде во опасност.



Издавачот на брошурата, Шведската агенција за цивилни непогоди, не наведе од каде би можело да дојде до напад, но британската агенција укажува дека Шведска и другите земји во регионот се во готовност откако Русија го припои Крим во 2014 година.

Овие земји, додава агенцијата, ја обвинуваат Русија дека повеќепати го прекршила нивниот воздушен простор.

Москва ги отфрла овие тврдења или не одговара на нив.

Во брошурата, која ќе им биде поделена на сите 4,8 милиони домаќинства во Шведска, се предупредува дека резервите на храна, медицински материјал и бензин би можело да ги снема за време на кризата.

Шведска со никого не војуваше повеќе од 200 години, од војната со Норвешка во 1814 година, а за време на двете светски војни беше неутрална.

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе