Шри Ланка има нов претседател, брат на поранешниот претседател

Опозицискиот кандидат во Шри Ланка и поранешен министер за одбрана Готабаја Раџапакса е прогласен за победник на претседателските избори, ветувајќи дека ќе ја заштити земјата од терористички закани по велигденските бомбашки напади оваа година.

Раџапакса, кој во понеделник ќе положи заклетва во древниот будистички храм, е нов во низата националистички лидери кои победија на изборите на бран незадоволства и стравови од мнозинските заедници.

Во својата прва изјава по победата над кандидатот на владејачка партија Саит Премадас, министерот за домување во сегашната влада, уверливо порача дека ќе биде водач на сите граѓани на земјата, 22 милиони од нив, без оглед на нивниот етнички и религиозен идентитет.

Изборната комисија објави дека на изборите одржани во саботата освоил 52,25 проценти од гласовите, додека неговиот главен ривал освоил 41,99 проценти.

Гласачите од новиот претседател очекуваат да ја оживее економијата што доживеа најголем пад во последните 15 години, предизвикано од кризата во туристичкиот сектор по бомбашките напади на 21 април во кои загинаа повеќе од 250 луѓе.

Раџапакса (70) е помлад брат на поранешниот претседател Махинда Раџапаска, кој беше на власт од 2005 до 2015 година.

Тој бил министер за одбрана за време на владеењето на неговиот брат и ја надгледувал воената кампања против тамилските бунтовници, што довело до нивен конечен пораз во 2009 година.

Тој се смета за поблизок со Кина отколку Премадас. Кина инвестираше милијарди долари за изградба на пристаништа, автопати и електрани во Шри Ланка, стратешки важен остров во Индискиот Океан. Но, Шри Ланка е силно задолжена поради ова.

Министерот за финансии, Мангал Самаравер и двајца други министри денес поднесоа оставки по поразот на кандидатот на владејачка партија.

Тамилските политички лидери остро му се спротивставуваат на Раџапакса, кој е обвинет дека често ги крши човековите права на цивилите во последните фази од војната против сепаратистите, што тој го негира.

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе