Пучдемон пак не одговори конкретно

Шпанската влада в сабота ќе ѝ ја одземе автономијата на Каталонија

Шпанската влада ќе ѝ ја одземе автономијата на Каталонија и ќе ѝ наметне директна власт откако каталонскиот лидер Карлес Пучдемон одби да се откаже од барањето независност, што ја внесе Шпанија во најголемата политичка криза во последниве 40 години, вели Гардијан.

Објавата на овие невообичаени мерки доаѓа откако Пучдемон се закани со еднострано прогласување независност ако не се одржат разговори со Мадрид.

Владата на Шпанија соопшти дека в сабота ќе го покрене членот 155 од Уставот, со кој ѝ се одзема автономијата на провинцијата Каталонија, објави канцеларијата на премиерот Маријано Рахој.

Оваа одлука владата ја донела откако каталонскиот лидер Карлес Пучдемон не даде директен одговор на прашањето на Мадрид дали прогласил независност на Каталонија или не.

Пучдемон изјави дека каталонскиот парламент би можел да гласа за усвојување формална декларација за независност на Каталонија ако не се одржат разговори со Мадрид.

Во соопштението утрово шпанската влада вели дека Пучдемон повторно не потврдил дали е прогласена независност и додава: „На вонреден состанок в сабота владата ќе одобри мерки што ќе бидат испратени до сенатот за да се заштити општиот интерес на Шпанците, вклучително и на граѓаните на Каталонија, и да се врати уставниот поредок во автономната заедница“.

Владата во соопштението ги критикува каталонските власти за „намерно и систематско барање институционална конфронтација, и покрај сериозната штета што ја предизвикува врз соживотот и економијата на Каталонија“.

Не е во прашање само Русија VS Западот. Има нов играч на масата.

повеќе

Ако на референдумот на 30 септември македонските гласачи изгласаат да се смени името на нивната држава во Северна Македонија, НАТО треба да ја покани нивната влада во Алијансата.

повеќе

Паметам како вчера да беше: пред самиот распад на Југославија, по локалните пазарчиња на таа земја нагло се расшетаа сомнителни типови што шиткаа лажњаци на статусниот симбол на мојата генерација - славните фармерки „петсто кец”. 

повеќе