Шпанија: Не ја признаваме едностраната независност на Косово

Шпанската влада ја потврди својата одлука дека не ја признава независноста на Косово.

EPA-EFE

Како што е соопштено, шпанската влада зазема „конструктивен пристап“ околу тоа прашање, поддржувајќи решение меѓу Косово и Србија.

Ова е соопштено во собранискиот одговор до пратеничката Мариона Иламоли, кој постави прашање за тежнеењата на Косово да се придружи на Европската Унија.

Владата на Шпанија во одговорот го потврди својот став „за непризнавање на едностраната декларација за независност која Приштина ја усвои во 2008 година, бидејќи станува збор за едностран акт“.

Владата, меѓутоа, наведе дека „од конструктивен аспект смета дека е време да се направи конечен напор за прашањето на територијата на Косово да се реши во рамки на дијалогот на Белград и Приштина, со договор кој го почитува меѓународното право“.

Кога станува збор за тежнеењето на Косово да се придружи на ЕУ, шпанската влада соопшти дека активно се залага за политика на проширување на ЕУ и целосно верува во потребата да се воспостави нов поттик за пристапување на Западниот Балкан.

Иламола постави прашање до извршната власт и за самитот одржан во Словенија меѓу ЕУ и Западниот Балкан во октомври, на кој присуствуваше и премиерот на Шпанија Педро Санчез.

Каталонската пратеничка праша дали владата смета дека имиџот на Шпанија се нарушува со наметнувањето на ветото на знамето и симболите на Косово.

Таа се осврна на фактот дека, за да се олесни учеството на Санчез и лидерите на другите земји од ЕУ кои не го признаваат Косово, беше одлучено на овој настан да не се користат симболите.

„Ставот за непризнавање не значи прекин на учеството“, порача владата на Шпанија, додека за учеството беше кажано дека морало да бидат исполнети услови договорени во ЕУ.

Легенда под Главна слика

EPA-EFE

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе