Шпанија ги олеснува мерките за празниците, ќе биде дозволено собирање до 10 лица во домовите

Во Шпанија, за време на Божиќните празници, рестриктивните мерки за запирање на коронавирусот ќе бидат малку опуштени, па на десет лица ќе им биде дозволено да се собираат во домови наместо сегашните шест, а ќе биде дозволено и да се посетат роднини, најави шпанскиот министер за здравство Салвадор Ила.

EPA-EFE/Daniel Pérez

Тој го постигна тој договор со 17 автономни покраини, како што се Мадрид и Каталонија, кои самостојно ги спроведуваат рестриктивните мерки. Во Шпанија на Бадник, Божиќ и Нова година семејствата традиционално се собираат, вклучително и баби и дедовци и роднини од далечни делови на земјата. Меѓусебното дарување се одвива на 6 јануари, на Свети три кралеви.

Иако патувањата меѓу сите 17 покраини во моментов се забранети, без оправдана причина како што е одење на работа, од 23 декември до 6 јануари, ќе бидaт дозволени посети на роднини и блиски лица.

И покрај ова, владата апелира до 47 милиони жители да останат во своите домови и да не одат во посети.

„Сите треба да останеме во своите домови“, рече Ила на прес-конференција во Мадрид.

Тој не рече дали и како полицијата ќе ги проверува патниците при преминување на покраините. Повремените патни патроли сега бараат од патниците потврда за причината за преминување од покраина во покраина.

Полицискиот час, кој сега е во сила по 23 часот, во повеќето покраини ќе биде преместен во 01:30 часот ноќта на Бадник, 24 декември и на Нова година, 31 јануари. Целта е да се продолжи да се спречуваат улични собири и дружења и со тоа да се запре ширењето на вирусот. Секоја покраина сама ќе одлучи за времето на забрана за останување на улица, а исто така може да ги засили и другите мерки.

„Целта е да останеме здрави за да можеме да славиме уште многупати Божиќ во иднина, а тоа ќе зависи од секој од нас“, рече Каролина Даријас, министерка за територијална политика, на прес-конференцијата заедно со Салвадор Ила. „Најубавиот подарок ќе биде да се грижиме за себе и да се грижиме за другите луѓе. Најдобар подарок ќе биде дарот на животот“, забележа таа.

Дополнително 9.931 лице е заразено во Шпанија во средата, со што вкупниот број на заразени е над 1,6 милиони од март досега. Во исто време починале 223 жители, а од почетокот на пандемијата 45.784 лица.

Легенда под Главна слика

EPA-EFE/Daniel Pérez

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе