„Животите и здравјето на нашите војници секогаш се приоритет. Имајте ја предвид заканата за цивилното население и почитувајте ги желбите на оние кои сакаат да заминат. И обезбедете го преносот на воената опрема преку Дњепар“, кажа Шојгу.
Рускиот генерал Сергеј Суровикин за руска телевизија изјави дека не е можно повеќе да се снабдува Херсон. Додаде дека предложил поставување на одбранбени линии на источниот брег на реката Дњепар. Руската одлука следи по неколку недели украинско напредување кон градот и обидите на Русија да евакуира над 100.000 жители на Херсон.
„Ќе ги спасиме животите на нашите војници и борбената способност на нашите единици. Залудно е да ги држиме на десниот брег. Некои од нив можат да се користат на други боишта“, кажа Суровикин.
Украинските сили пред неколку недели почнаа офанзива за Херсон, единствената територија под руска контрола на западниот брег на Дњепар.
Here's Shoigu giving the order to pullout: "The lives and health of our troops always takes priority. Take into account the threat to the civilian population and respect the wishes of those who wish to leave. And secure the transfer of military equipment across the Dnipro" pic.twitter.com/InuLjbk97s
— Luke Harding (@lukeharding1968) November 9, 2022
