Шефот на тајванската дипломатија е загрижен дека Кина би можела да почне војна

Министерот за надворешни работи на Тајван Џозеф Ву изјави дека е загрижен дека Кина би можела да почне војна со Тајван.

EPA-EFE

„Ме загрижува дека Кина навистина би можела да почне војна против Тајван. Но ова што во моментов го прави е обид да нè уплаши и најдобриот начин да се избориме со тоа е да ѝ покажеме на Кина дека не се плашиме“, кажа Ву за Си-ен-ен.

Тој наведе дека Пекинг со години му се заканува на Тајван, и дека во последните неколку години заканите станале посериозни.

Како одговор на неодамнешната посета на Тајпеј на претседателката на долниот дом на Конгресот на САД Ненси Пелоси, Кина почна воени вежби околу Тајван.

Пекинг смета дека Тајван е одметната провинција и се противи на каков било дипломатски контакт на тајванските власти со други држави.

Ву кажа дека кинеска воена закана секогаш постоела, без оглед на посетата на Пелоси, и додаде дека посетите на странски функционери се важен дел од стратегијата на Тајван против обидите на Кина да го изолира од меѓународната заедница.

„Кина не може да му нареди на Тајван дека не смее да ги прими во посета оние кои сакаат да дојдат и да му пружат поддршка“, наведе Ву.

Легенда под Главна слика

EPA-EFE

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе