Шефот на СЗО вели дека е загрижен поради претераната реакција на некои земји на омикрон

Шефот на Светската здравствена организација (СЗО), Тедрос Аданом Гебрејесус денеска изрази загриженост за претераната реакција на некои земји на појавата на варијантата омикрон, велејќи дека наметнатите ограничувања можеби не се неопходни и дека тие неправедно ги казнуваат африканските земји.

EPA-EFE/DENIS BALIBOUSE

„Добро ја разбирам загриженоста на сите земји да ги заштитат своите граѓани од варијанта што сè уште не ја разбираме целосно“, рече шефот на СЗО.

„Подеднакво сум загрижен што некои земји-членки воведуваат остри, општи мерки кои не се засновани на докази ниту се ефикасни сами по себе и само ќе ги зголемат нееднаквостите“, додаде тој.

Првпат забележана во Јужна Африка пред една недела, варијантата омикрон предизвика глобална узбуна, доведе до забрана за патувања и дополнително ја истакна несразмерноста помеѓу масовната вакцинација во богатите и ниската вакцинација во сиромашните земји.

Обраќајќи се на состанокот зад затворени врати, лидерот на СЗО апелираше до 194 земји-членки да се придржуваат до „рационални и пропорционални“ мерки, се наведува на веб-страницата на СЗО.

Сè уште има повеќе прашања отколку одговори за сериозноста на варијантата и ефективноста на вакцината, рече Тедрос.

Досега не е забележан ниту еден смртен случај поради омикрон, иако СЗО вели дека оваа варијанта на коронавирусот претставува висок ризик за ненадејното зголемување на бројот на заразени.

„Уште еднаш, им благодарам на Боцвана и Јужна Африка што толку брзо ја открија, секвенционираа и пријавија оваа варијанта“, рече Тедрос.

„Длабоко загрижувачки е што другите сега ги казнуваат тие земји затоа што ја направија вистинската работа“, истакна тој.

Легенда под Главна слика

EPA-EFE/DENIS BALIBOUSE

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе