Шефот на НАТО предупреди за можноста за „тотална војна со Русија“ (ВИДЕО)

Генералниот секретар на НАТО Јенс Столтенберг денес кажа дека целта на драстичното зголемување на бројот на борбено спремни војници на воениот пакт на источното крило е да обезбеди Русија да не ја процени погрешно нивната спремност за дејствување.

EPA-EFE

„Живееме во не само поопасен туку и во понепредвидлив свет. Живееме во свет во кој во тек е војна во Европа и тоа со воени операции од значителни размери“, кажа Столтенберг.

„Воедно знаеме и дека ситуацијата може да се влоши ако ова се претвори во тотална војна меѓу Русија и НАТО. Во тој случај ќе видиме смрт и уништување на ниво кое е многу, многу полошо од она што го гледаме во Украина“, заклучи Столтенберг.